வாசித்தலை நேசிக்கும் வாசகர்களுக்காக

2008-01-01 by விருபா - Viruba | 1 கருத்துகள்

விருபா தளம் ஒரு தமிழ் வாசகரின் தேவைகள் என்ற அடிப்படையிலேயே இயங்கும் தளமாகும். புத்தகங்கள் தொடர்பான தகவல்கள் வாசகர்களைச் சென்றடைய வேண்டும். வியாபார நோக்கின்றி, எந்த ஒரு பதிப்பகத்தையோ அல்லது எழுத்தாளரையோ முன்னிலைப்படுத்தாமல் அகரவரிசையில் பட்டியலிடும் சேவையை விருபா தளம் கடந்த இரண்டு வருடங்களாக செய்து வருகின்றது.

எமது நோக்கத்தை புரிந்து கொள்ளக்கூடிய தகைமையுடைய எழுத்தாளர்களின்/பதிப்பகங்களின் ஆதரவில் அப் பதிப்பகங்களின்/எழுத்தாளர்களின் புத்தப் பட்டியல் விருபா தளத்திலேயே இணைக்கப்படுகின்றன.

பல்வேறு பதிப்பகங்கள் தங்களுடைய வெளியீடுகளைப் பற்றிய தகவல்களை வழங்குவதற்காக தனிப்பட்ட இணையதளங்களை வைத்திருக்கிறார்கள். இவ்வாறான பல பதிப்பக இணையங்கள் பல வாசகர்களின் பார்வைக்கு ஒரே இடத்தில் கிடைப்பதில்லை.

தேடல் மிக்க, வாசித்தலை நேசிக்கும் வாசகர்களுக்காக, இதனை நாம் தொகுத்துத் தந்துள்ளோம்.

2007 சென்னை புத்தகக் கண்காட்சியை முன்னிட்டு புத்தக வியாபாரிகள் அமைப்பு - பாப்பாசி வெளியிட்ட கண்காட்சி பங்கேற்பாளர்கள் பட்டியலில் இருந்து பெரும்பான்மையான தகவல்கள் எடுக்கப்பட்டுள்ளன. அவர்களுக்கு எமது நன்றிகள்.

(இப்பட்டியிலில் சில பதிப்பாளர்கள் தவிர்ந்த, ஆனால் புத்தகங்களுடன் தொடர்புடையோரும் இடம் பெற்றுள்ளார்கள்.)

இப்பட்டியலில் சிலர் விடுபட்டிருக்கலாம். அவற்றை தமிழ் வலைப்பதிவாளர்கள் தெரியப்டுத்தலாம். அவற்றையும் இணைத்து இப்பட்டியலை முழுமையான ஒன்றாக மாற்றுவோம்.