முனைவர் மு.இளங்கோவன் அவர்களுடைய "தமிழில் இணைய இதழ்கள்" கட்டுரையில் காணப்படும் \\ தமிழில் முதலாவது தரவுதளமாக www.viruba.com உள்ளது.\\ என்ற வாசகத்திற்கான மறுப்பு.
ஒரு திருத்தம்,
பல விடயங்களில் "இணையத் தமிழின் முதல் ......" என்ற அடைமொழிக்காகப் பல்வேறு சர்ச்சைகள் நிலவும் நிலையில், விருபா தளம் முதலாவது தரவு தளம் இல்லை என்பதை நாம் தெளிவுடன் தமிழ் வலைப்பதிவு நண்பர்களுக்கும், நன்னடத்தை வகுப்பாளர்களுக்கும் தெரியப்படுத்த விரும்புகின்றோம்.
எமக்குத் தெரிந்தவரையில் அமெரிக்காவில் வசிக்கும் உலகப்பன் மாணிக்கம் என்பவருடைய www.Thiraipadam.com என்ற தமிழ்த் திரைப்படங்களுக்கான தரவு தளமானது 1999-05-21 அன்று பதிவு செய்யப்பட்டு,
2001-03-02 அன்று முதல் இயங்கிக்கொண்டிருப்பதாக தெரிகிறது.
விருபா தளமானது ( www.viruba.com ) 2003-04-16 அன்று முதன் முதலாக பதிவு செய்யப்பட்டு 2005-10-13 அன்று முதல் இயங்குகின்றது.
விருபா தளத்தில் இணைக்கப்பட்ட முதலாவது புத்தகம் "தமிழன் வழிகாட்டி" ஆகும். தளத்தில் இதன் எண் : VB0000001.
எனவே தளத்தின் பெயர் பதிவிலும், இணையத்தில் இணைக்கப்பட்ட நாளிலும் www.Thiraipadam.com தளமே விருபா தளத்தை விட முன்னணியில் உள்ளது.
இணையத் தமிழின் இன்றைய நிலையில் "கட்டற்ற சுதந்திரம்" என்பது உரிய முறையில் பலாரால் உள்வாங்கப்படாத ஒன்றாக ஆகிவிட்ட நிலையில், தமிழைக் கற்று, கற்பித்து, ஆய்வு செய்து, உழைத்து முன்னேறி சமூகத்தில் உயரிய மட்டத்தில் உள்ள 'செல்வாக்கு மிக்க ஓசைகளை' நோக்கி (பேச்சு வழக்கில் சொல்வதானால் Sound Party), வலைப்பதிவில் மிகவும் இலகு வேலையான சத்தங்களை இணைப்பதை மட்டுமே மாபெருந் தகுதியாக நினைத்துக்கொண்டு செயற்படும் 'செல்லா ஓசைகள்' (இங்கேயும் Sound Party தான்), அற்பமான காரணங்களுக்காக அதுவும் வேறொருவன் சிந்தனையில் முதலில் தோன்றியதை ஆர்ப்பாட்டமாக கூச்சலெழுப்புதலை நாம் காண்கின்றோம்.
இவ்வாறான மலின தந்திரக்காரர்கள் வாய்க்கு அவல் கொடுக்காமல் உள்ளதை உள்ளபடி கூறல் நன்றே.
முனைவர் மு.இளங்கோவன் அவர்களுடைய கட்டுரையில் உள்ள விடயம் என்றாலும் தொடர்புடைய நாம் இதனை இன்று மறுக்காமல் இருந்தால், பிற்காலத்தில் சர்ச்சைகள் வரலாம், இதனைத் தவிர்க்கும் முகமாக எமது மறுப்பை வலைப்பதிவில் தனிப்பதிவாக இட்டுள்ளோம்.
0 கருத்துகள்:
கருத்துரையிடுக